Салото исцицано од бедрата или опуштениот стомак би можело со примена на новата, ветувачка технологија да стане богат извор на матични клетки, препорачуваат американските експерти од Медицинскиот факултет при Стенфорд универзитетот.
Научниците утврдиле дека несозреаните масни ќелии отстранети со липосукција лесно се претвораат во таканаречени „индуцирани плурипотентни матични клетки“ или iPS ќелии.
Со овие масни клетки полесно се работи отколку со клетките од кожата, кои досега се користеа за добивање iPS клетки.
IPS клетките се произведуваат со помош на генот кој ги враќа назад, во незрелата развојна фаза, во која се подложни на преобликување. Во оваа состојба тие би можеле да бидат насочени да станат клетки на срце, коскено ткиво, мозок или било кој друг орган. Клетките на незрелото сало се поблиски до ембрионскиот стадиум на кожните клетки, поради што полесно се репрограмираат, нагласува предводникот на истражувањето Нинг Суен.
Експертите се обидуваат да создадат резерви на iPS клетки за да ги користат за истражувања, а еден дел и за лекување болести. Покрај што овозможува создавање голем број iPS клетки, салото добиено со липосукција штеди на време во однос на фиброзните, односно клетките на кожата.
Матичните клетки добиени од салото можат веднаш да се репрограмираат, додека фиброзните клетки пред тоа треба да се одгледуваат во лабораторија најмалку три недели.