Ризикот од ХИВ зараза би можел да се намали за околу 50 отсто со употреба на новата шведска вакцина „Хивис“, тврди шведската професорка по вирусологија Брита Вахрен која учествува во развојниот проект за „Хивис“.
Како што јави дописникот на МИА од Гетеборг, една студија направена во Танзанија, која денеска ќе биде презентирана во Париз, покажува дека лицата кои биле вакцинирани добиле повеќе имунолошки клетки и антитела.
- Вакцината е сигурна и создава имунолошка одбрана, вели Вахрен.
Според неа, сепак се уште е рано да се тврди дали вакцината дава заштита против ХИВ.
Наскоро ќе започне реализација на една т.н. студија од трета фаза, со која ќе биде опфатен далеку поголем број испитаници, а со цел да се дојде до посигурни истражувачки резултати.