Старинските и здраворазумски совети оти за забременување потребно е опуштање може на некои жени навистина да им помогне за зачнат, објаснуваат американските лекари.
Со години жените имаат проблем со забременувањето, а пријателите и роднините најчесто ги советуваат да се опуштат, предлог кој најчесто предизвикува спротивен ефект и кој сите гинеколози и акушери не го прифатиле како важен.
Сепак, истражувањето на клиниката за плодност од Бостон и на истражувачите од факултетот по медицина при Харвард покажува дека сепак „има нешто во ваквите совети“.
Студијата покажа дека жените кои учествувале во програмата за ублажување на стресот за време на процедурата за забременување имале 160 отсто поголеми изгледи да забременат, отколку оние кои сами се носеле со стресот.
- Експертите за репродуктивна медицина долго време го проучуваат негативниот ефект на стресот врз можноста за забременување. Студијата која ја спроведовме покажа дека програмата за ублажувањето на стресот може да ја подобри стапката за зачнување и успешноста на ин витро постапката, вели Алис Домар, еден од авторите на студијата.