Јапонските научници произведоа хуманоиден робот кој верно ги симулира симптомите на новиот грип тип А (Х1Н1), кој треба да помогне во оспособување на медицинскиот персонал во борбата против оваа болест.
Роботот има просечна висина на возрасен човек, а материјалот со кој е направен е многу сличен на човечка кожа. Тој се поти исто како лице со висока температура кое е заболено од новиот грип, а симулира дури и конвулзија (ненамерно собирање мускули). Доколку не е соодветно лекуван, престанува да дише и многу брзо неговото срце застанува.
Ова е првпат некој робот да е произведен поради симулација на одредена болест. Неговата намена е да му овозможи на медицинскиот персонал да ја вежба процедурата потребна за адекватно лекување на заболени од новиот грип тип А (Х1Н1).