Пандемијата на вирусот H1N1 може да однесе 40.000 животи во Европа, по што може да следи и бран на сезонскиот грип кој може да убие уште толку луѓе, соопштија денес европските здравствени експерти.
Европскиот центар за контрола и превенција на болести (ECDC) соопшти дека епидемијата H1N1 која што сега е присутна во скоро сите земји на ЕУ, не може да се предвиди колку ќе биде озбилна.
Она што е сигурно, кажуваат експертите, е дека пандемијата ќе однесе уште илјадници животи и тоа за време на зимата.
- Ќе бидат погодени сите европски земји и со тоа значително ќе биде оптоварен здравствениот систем, изјави директорката на центарот Сузана Јакаб.
Во соопштението на установата се наведува ризикот од бранот на сезонскиот грип кој ќе се појави кон почетокот на идната година и ќе удри веднаш по пандемијата на H1N1.
- Факт е дека вирусот H1N1 e поинаков бидејќи ги напаѓа младите луѓе, трудниците и луѓето без ризични фактори, изјави Агнус Никол, координатор за борба против грипот.
ECDC наведува дека искуството од САД и за јужната полутопка покажа дека трудниците се изложени на десет пати поголем ризик и ќе им биде потребна интензивна нега во споредба со останатите.
Центарот напомнува дека 20 до 30 отсто смртни случаи се однесуваат на здравите млади луѓе.
Според податоците ECDC, во светот до сега се регистрирани 6.005 смртни случаи од вирусот H1N1.
