Околу 60 проценти од лекарите во САД патат од физички и психички замор, што може да предизвика грешки во дијагностицирањето на болестите кај пациентите.
Оваа појава не е само заради пандемиските размери на свинскито грип, туку датира од порано.
Универзитетите на кои се образуваат американските лекари бараат начин како да ја спречат исцрпеноста.
Се повеќе деца доаѓаат во итната медицинска помош со симптоми на свинскиот грип, а многу болници почнаа да подигнуваат шатори во кои ги поставуваат дијагнозите и даваат терапија.
Во студијата што ја објави клиниката „Мејо“ се наведува дека лекарите патат и од депресија и дека кога тие се преморени, поглеми се шансите да направат грешки, па дури и такви кои предизвикуваат смрт кај пациентите.
Како резултат на тоа, за лекарите во САД започнаа да се спроведуваат курсеви кои ќе им помогнат како да го зачуваат сопственото ментално и физичко здравје.