Истражувањето спроведено на универзитетот во Женева сугерира дека e возможно регенерирање на некои клетки од панкреасот и претворање во бета клетки способни за производство на инсулин.
Имунолошкиот систем на лицата со дијабетес тип 1 ги уништува бета клетките во панкреасот, поради што овие пациенти имаат потреба од инсулински инјекции.
Новите експерименти спроведени врз лабораториски животни покажаа дека во случај на потполно уништување на бета клетките, постои можност за трансформирање на алфа клетките во бета клетки кои пак ќе продолжат со производството на инсулинот.
Алфа клетките во нормални услови го излачуваат хормонот гликагон кој овозможува одржување на нормална концентрација на шеќер во крвта во услови кога бета клетките произведуваат преголеми количини на инсулин.
Истражувачите во магазинот Nature додаваат дека потребни се дополнителни истражувања за да се утврди можноста за практична примена на ова откритие.