Нов лек како морфиум, но без несакани ефекти

Истражувачи од Tulane University School of Medicine создале нов лек со карактеристики како морфиумот, но без несаканите ефекти (како зависност) кои тој ги има.

Морфиумот (лек базиран на опиум), често се користи за третирање на тешки и хронични болки. Меѓутоа, несаканите ефекти вклучуваат зависност, како и создавање на толеранција по негово подолго користење. Тоа предизвикува пациентите да земаат сè поголеми дози, што може да води до предозирање или злоставување на лекот (што предизвикува оштетување на моторните и респираторни функции). Поради ова неговата употреба мора да е строго регулирана.

Новиот лек е варијанта на endomorphin, хемиска состојка која природно се создава во човечкото тело и која ефективно ја елиминира болката. Тестовите врз глувци покажале дека тој е подеднакво (па дури и повеќе) ефективен од морфиумот и останати лекови на база на опиум, но ги нема штетните ефекти, или доколку се појават, се значително редуцирани/незабележителни. Кај тест примероците не била забележана значителна промена во брзината на дишењето (кое се забавува при користење на морфиум), а истото се случило и со моторната координација. Исто така, новиот лек создавал многу помалку толеранција во споредба со морфиумот.

За да проверат дали лекот создава зависност, тие направиле неколку тестови; едниот вклучувал поставување на прекинувач кој кога ќе се притиснел, предизвикувал негово вбризгување. Глувците на кои на овој начин им се давал морфиум, давале напор постојано да го притискаат прекинувачот. Оние на кој што им се давал новиот лек, тоа воопшто не го правеле. За потребите на вториот тест, глувците биле често пуштани во „одделот“ каде што им биле вбризгувани лековите – оние на кои им бил даван морфиум останувале да се „маткаат“ во него, додека другите не го правеле тоа.

Тимот се надева дека ќе почне со клинички тестови врз луѓе во наредните две години, за кои се надеваат дека ќе дадат слични резултати. Доколку тестирањата поминат успешно, значително ќе се намали сегашната злоупотреба на овие опијати, која одзела скоро 50 000 животи во 2014, само во USA.