Медицинска марихуана од сега достапна и за миленичињата

Во борбата за легализација на марихуаната во медицински цели луѓето не се сами, туку им се придружуваат и миленичињата. Во последно време сè повеќе се појавуваат производи на база на канабис наменет токму за животните и тоа од додатоци во исхраната до шампони за бањање.

Еден од тие производи се додатоците во исхраната од компанијата Treatibles, кои имаат смирувачко дејство за мачките, кучињата и останатите видови на домашни миленичиња. Тие содржат канабидол, супстанца која се наоѓа во канабисот, но нема психоактивни својства.

- Животните нема да се „надуваат“ од овие производи. Вашето милениче ќе ужива во сите придобивки на овие канабиноидни билки без било какви психоактивни дејства, стои на веб страната на компанијата.

Слични производи нудат и компаниите Canna Companion и Canna-Pet.

Но, дали навистина делуваат врз животните?

Берни, швајцарско планинско куче, секоја недела имало напади кои биле толку страшни што имал појава на грчење, испуштање пена од устата и уринирање околу себе неколку минути, додека не си дошол на себе по цел час. Лековите кои му ги припишале ветеринарите не само што не делувале, туку и го правеле дезориентиран и му го оштетувале црниот дроб. Неговите сопственици тврдат дека ниту еднаш немал напад откако почнал да користи суплементи од канабис.

- Звучи смешно сè додека не дојдете во таа ситуација и не го искусете тоа на своја кожа, изјавил Ентони, сопственикот на Берни.

Сепак, исто како и употребата на марихуаната кај луѓето, постојат одредени ограничувања во третманот за болни животни. На пример, во САД може да го нарачате производот преку интернет само ако не содржи супстанца THC, психоактивна состојба од канабис. Сепак, проблемот е што во некои од овие производи не е целосно отстранета таа супстанца. Ние сепак сме далеку од порачувањето канабис преку интернет.