Кога бебето е веќе тука вие сте возбудени, среќни, уплашени но и доста исцрпени. Една голема група на позитивни и негативни емоции кружи во вас, а тоа е сето поради дисбалансот на вашите хормони.
Психичните промени кај околу 80% од новите мајки поминуваат во периоди на тага, раздразнетост, плачење и анксиозност неколку дена после пораѓајот. Во некои случаи може да се појават и постпартална депресија или психоза, а сите тие појави се момент на привикнување кон вашето дете.
Кај физичките промени - болка во градите поради надоаѓање на млекото. Исто и првата столица обично доаѓа 2-3 дена после породување, но ако имате хемороиди таа може да биди и доста болна. Обично шевовите напаравени поради епизиотомија прават еден дискомфорт во седењето или одењето, но за среќа сите овие промени се за неколку дена. Имате појава на топло ладни бранови од раздвижувањето на хормоните и лесни контракции кои се појачуваат при доење.
После породување имаме пониски вредности на естрогените и немаме повратен механизам, немаме прогестерон, имаме висок пролактин, нема овулација. Но, сепак постојат исклучоци да настане овулација и покрај наброените хормонски промени и да настане забременување иако мајката дои. Затоа е задолжителна бариерната контрацепција. Да се врати матката во првобитната состојба и требаат неколку месеци, затоа треба да се внимава да не дојде до скоро забременување поради можноста од перфорација за време на прекин на бременоста. Што се однесува до тежината најверојатно ќе изгубите од 4 до 6 кг. Непосредно, после породување, а тоа зависи од тежината на бебето, плодовата вода и плацентата. После 4 до 6 месеци може да се започне и со физички вежби за враќање на фигурата и скоро добивање на најголемиот комплимент за една жена, а тоа е НИКОГАШ НЕМА ДА КАЖЕШ ДЕКА РАЃАЛА!
Извор: НЕУРОМЕДИКА