Иднината што пред неколку декади ја предвидуваа научно-фантастичните раскази и филмови, дел по дел се остварува, а еден сегмент од тоа е роботиката – денес роботите се вклучени во повеќето фабрики, во изградба на нашите домови, како помошници во продавници или како придружници на деца или постари лица и др.
Роботската технологија на компанијата Medrobotics ќе ги внесе и во хируршките сали – конкретно, се работи за нов хируршки роботски систем наречен Flex кој изгледа како змија и кој се внесува во разни отвори.
Оваа „робо-змија“ ќе биде контролирана од страна на хирурзите со џојстик и камера и ќе може да се внесува во деловите на анатомијата на пациентот кои инаку не би биле пристапни без други инвазивни процедури, а технологијата е веќе и одобрена од Американската администрација за храна и лекови.
Одредени доктори сметаат дека овој Flex систем е иднината на операциите на главата и вратот.