Будењето од кома, за жал, не значи дека со пациентот се ќе биде во ред, туку дека тогаш започнува борбата за неговиот живот и заздравување. Во периодот после будењето можно е кај него да се јават нарушувања на свеста како што се вегетативната состојба или минимално свесна состојба, кои и двете можат да предизвикаат значителна повреда на мозокот.
Но, еден 25 годишен човек успеал да направи неверојатен прогрес откога бил првиот врз кој бил изведен третман што буквално му го „стартувал“ мозокот надвор од кома, на начин кој што би можел да се спореди со стартување на автомобил со кабли од акумулатор.
Третманот со фокусирано ултразвучно пулсирање со низок интензитет е развиен од Мартин Монти, професор по психологија и неврохирургија на Универзитетот во Калифорнија и се состои од сонична стимулација за да се разбудат невроните во таламусот – центарот на мозокот за процесирање на информации.
По само три дена, на пациентот успеало целосно да му се поврати свеста, како и способноста за разбирање на јазикот.
Сигурноста на овој третман мора да се провери врз повеќе пациенти, за да се види дали ќе се добијат слични резултати, бидејќи е возможно пациентот врз кој што експериментот успеал веќе да бил во фаза на спонтано опоравување.
Но, доколку се докаже дека навистина функционира, тогаш ќе може да се направи евтин и преносен уред за комплетно будење на пациентите од кома.