Како и повеќето дроги, кокаинот влијае на сензорите за задоволство во мозокот – лимбичкиот систем, областа која е исто така одговорна и за мотивацијата. Кокаинот го зголемува производството на допамин, кој креира чувства на еуфорија, и мемориите кои се креираат за време на оваа состојба се посилни отколку вообичаено. Ова создава желба тие мемории да пак да се доживеат, и да се рекреира чувството на уживање одново и одново.
Прекинувањето на овој циклус може да зависи од блокирањето на меморијата, т.е самиот „спомен“ на земање на кокаин.
Истражувачи од Cardiff University развиле експериментална терапија која користи одреден молекул, наречен PD325901, да влијае на хемијата на мозокот во областа која е погодена од кокаинот.
Клиничките тестови покажале дека глувците зависни од кокаин, откога им бил вбризган PD325901, прекинале да ги покажуваат симптомите поврзани со зависноста од дрогата, и се однесувале како никогаш и да не биле зависни. Нервните патишта кои го асоцираат задоволството со меморијата за кокаинот биле успешно блокирани.
Глувците исто така не покажувале било какви знаци за губиток на меморија, ниту пак молекулот влијаел на секојдневната мемориска функција.
Истражувачите моментално ги тестираат ефектите на PD325901 врз зависностите од алкохол и никотин, а доколку и тие се покажат успешни, се надеваат наскоро да започнат и тестирања врз човечки субјекти (кај кои процесот не би бил волку едноставен)