Хилари Клинтон, претседателскиот демократски кандидат на САД мораше да се повлече од комеморацијата по повод терористичките настани од 11-ти септември.
Откако Клинтон колабираше на самата церемонија, беше префрлена во болница каде и беше дијагностицирана пневмонија и доби совет од лекарите да мирува. Но, што е всушност пневмонијата и како ја добиваме?
Во наједноставното објаснување, пневмонијата е инфекција на белите дробови. Таа може да се спречи од појавување, но и успешно да се лекува со антибиотици. Во исто време таа е одговорна за над еден милион смртни случаи во САД, и водечка причина за смртта кај децата под 5 години ширум светот.
Таа е предизвикана од Streptococcus pneumoniae бактеријата, но исто така може да биде предизвикана и од обичен сезонски грип.
Кога бактеријата ќе влезе во белите дробови, алвеолите (воздушните перничиња во белите дробови полни со кислород) потекуваат и се полнат со течност. Тоа го прави дишењето многу тешко и болно и може да ја ограничи количината на кислород кое лицето ја внесува. И токму таа течност во алвеолите предизвикува мачнина при дишењето.
Најзагрозени за добивање пневмонија се децата, постарите личности над 60 години и лицата со нарушен имунолошки систем. И бидејќи симптомите се слични на оние кај грипот, често пневмонијата не е дијагностицирана на време или воопшто. Потребна е Рентген снимка за најдобро да се дијагностицира, а ќе ја препознаете по звукот на „свиркање“ кој го прават белите дробови.
Превентивата за пневмонијата е годишната вакцина против грип која треба да ја примите, а самата болест обично трае 1 до 3 недели. Додека не оздравите треба доста на мирувате, да пиете многу течности, а ако сте пушач да ги елиминирате цигарите целосно од вашето секојдневие.