Откриено овошје кое убива 70% од клетките на ракот

Додека научниците низ лабораториите ширум светот со години неуморно тестираат нови лекови за ракот, екипата предводена од д-р Глен Бојл смета дека дошла до откритие, кое би можело да спаси милиони животи. Станува збор за црвени бобинки од прашума кај австралискиот Queensland.

Научниците од Бергхофер институтот за медицински истражувања успешно ги изолирале состојките од бобинките кои го убиваат ракот и докажале дека има силно влијание на туморите на главата, вратот, дојките, цревата, простата и меланомот. Бобинките содржат хемиско соединение наречено EBC-46, кое е тестирано на бројни животни со различни видови на тумор. За сега ефектите се потврдени на над 300 мачки, кучиња и коњи. Состојката се наоѓа во семето што го прави процесот на прочистување многу комплициран. Сепак, потврдено е дека по лекувањето со оваа овошка, исчезнале 75% од канцерогените клетки и истите не се појавиле повторно.

- Веруваме дека ЕВС-46 сигурно ќе делува и на луѓето, бидејќи предизвикува реакција во која се прекинува снабдувањето на туморот со крв, изјавил д-р Бојл.

Не е лесно да се пронајде бобинката во прашумата, а задачата за пронаоѓање и тестирање врз луѓето ја презела биотехничката лабораторија EcoBiotics.