Глобално, бројот на луѓе со дијабетес расте од 1980-тите, со 422 дијагностицирани до 2014. Само во САД бројот на заболени е зголемен од 5.5 милиони во 1980, до 22 милиони во 2014 – што е над 300% зголемување за помалку од 40 години.
Тим истражувачи од Универзитетот во Калифорнија, Сан Диего, воден од Стефани Стенфорд, предлага решение во форма на една пилула која ја враќа чувствителноста на инсулин кај дијабетичарите со тип 2 дијабетес. Тој тип на болеста се развива кога хормонот задолжен за регулирање на шеќерот во крвта ослабува, за што причина се бројни генетски и животни фактори.
Барем досега, не постоеле лекови кои можеле да ја повратат сигналната функција за инсулинот кај дијабетичарите – наместо тоа, тие го филтрирале вишокот гликоза во крвта која е резултат на оваа дисфункција. Лекот произведен од тимот на Стенфорд ја враќа токму таа функција.
Лекот го инхибира ензимот LMPTP - протеин со ниска молекуларна тежина тирозин фосфатаза, за кој се смета дека придонесува за редукцијата на чувствителноста на клетките на инсулин. Со редуцирање на LMPTP активноста, лекот повторно ги овозможува рецепторите за инсулин на површината на клетките – првенствено тие во црниот дроб – кои ја враќаат способноста на клетките да го регулира вишокот шеќер. Што телото може самото тоа да го прави, тип 2 дијабетесот го снемува.
Лекот бил тестиран кај глувци со високо ниво на гликоза во крвта, кај кој ја повратил осетливоста на инсулин без никакви несакани ефекти. Следни на ред се тестирања врз луѓе, за кои тимот на Стенфорд смета дека може да доведат до нов револуционерен третман за тип 2 дијабетесот, за кој досега не е забележан случај на повлекување само преку земање на лекови.