Нов хидрогел сличен на ‘рскавица би можел значително да ја олесни „поправката“ на колената, бидејќи може да се користи за 3D принтање и со него да се создаваат калапи кои перфектно би се вклопувале во секое индивидуално колено.
Новото истражување се фокусира на два клучни амортизери на удари во внатрешноста на коленото, познати како менискуси, а заменување на овие делови од нашето тело бара материјал со вистински карактеристики и форма.
Тоа било предизвик кој научниците од Универзитетот Дјук го прифатиле и покажале дека менискусите можат да се произведат со 3D принтер кој чини $300, за само еден ден.
Доколку овој процес може да се реплицира во поголем размер, тоа значи дека ќе имаме едноставни и евтини поправки на колена за повреди кои вообичаено се комплексни и проблематични.
Секое од нашите колена има менискуси во форма на уво, поставени помеѓу бутот и глуждот, кои го амортизираат секој наш чекор. Доколку се оштетат, одењето станува болно и се зголемува ризикот од артритис.
Како што старееме, менисукусите не можат самите да се заздравуваат, па така оние кои ќе се оштетат мора да бидат хируршки заменети. Проблемот е што денешните инпланти не се јаки и еластични како нив, или не прават ништо да го помогнат заздравувањето околу коленото. Покрај тоа, менискусот е направен од два слоја – среден цврст, и надворешен мек – што ги комплицира обидите да се развие нешто што ќе биде 3D принтано од еден ист материјал.
За да го решат овој проблем, научниците искомбинирале цврст хидрогел со растеглив хидрогел, за да добијат материјал најсличен на ‘рскавицата. Тие исто така додале и глина од наночестички за да ја направат супстанцата течна кога е под стрес, но која бргу се зацврстувала.
Преку компјутерска томографија (CT) или магнетна резонанца (MRI), докторите може да видат какo инплантите треба да бидат дизајнирани, и таа информација да ја внесат во 3D принтерот, а сега откога знаеме дека е возможно да се развијат хидрогелови со карактеристики како човечката ‘рскавица, со понатамошни студии ќе можат да се развиваат и принтабилни материјали со уште послични карактеристики до човечкото ткиво.