Во нова студија, истражувачите успешно трансплантирале тестис на глушец под кожата на вратот на друг глушец.
Целта на оваа навидум бизарна студија е тоа што хемотерапијата или терапијата со радијација за малигните тумори често пати ја повредуваат и сперматогенезата (процесот на создавањето и созревањето на сперматозоиди) кај помладите пациенти, а овој вид на трансплантација еден ден може да помогне да се сочува плодноста кај пациентите со канцер.
Tимот истражувачи од Медицинскиот Универзитет во Токио биле заинтересирани за таканаречениот „имунолошки привилегиран“ статус на тестисите. Доколку некој дел од телото е имунолошки привилегиран, тоа значи дека може да толерира контакт со антигени без воспалувачка реакција. Во суштина, ваквите делови ретко се отфрлаат, а тестисите се едни од „среќните“ органи.
Тимот трансплантирал тестис од глушец во врат на друг глушец со процедура наречена HTT – хетеротропна трансплантација на тестиси, која била извршена врз 12 глувци со 100% успех.
Трансплантација на тестисите и епидидимите (системот канали на тестисите) од децата во нивните татковци или браќа пред примање на медицинска терапија може да помогне во сочувување на возрасните сперматозоиди, кои инаку би биле уништени со терапијата.
Возможно е и трансплантираните тестиси повторно да се вратат кај донорите по завршување на медицинските третмани.