„Снежно бебе“ е терминот кој се користи да се опише ембрион кој е замрзнат и складиран за да се сочува за потенцијално искористување во иднината.
Сега, најдолго време замрзнатиот ембрион беше успешно роден во Тенеси, САД. Ембрионот, креиран од анонимен донор, бил замрзнат на 14 октомври 1992, само една година по раѓањето на сегашната мајка на ова „снежно бебе“.
Бебето Ема Врен Гибсон било родено на 25 ноември, 2017-та.
Пред раѓањето на Ема, претходниот рекорд за замрзнат ембрион изнесувал 20 години. Од медицинска и научна перспектива, ова претставува огромен успех кој покажува дека ембрионите можат безбедно да се донираат и замрзнуваат за потенцијалните родители кои имаат потешкотии со плодноста, како Бенџамин Гибсон (таткото) кој има цистична фиброза.
Тоа исто така значи дека оние кои имаат некаков вид на канцер и чија плодност може да се уништи по хемотерапијата, можат здравите ембриони да си ги замрзнат додека се создадат услови и се спремни да станат родители.
Додека напредокот на ова медицинско поле делува футуристички (меѓу другото, годинава животно било развивано во вештачка матка и жена со трансплантирана матка се породила), можностите кои ги нуди денешната наука се незаменливи, бидејќи не секоја жена е родена со матка и огромен процент на луѓето имаат проблеми со плодноста.