Додека денешните контрацептивни средства имаат одредени ограничувања, сепак многу повеќе опции се на располагање за жените отколку за мажите.
Сега, едно возможно решение за машка контрацепција се појавило од сосема неочекуван извор – отров кој го запира срцето кој бил мачкан на врвовите на стрелите уште во 3 век п.н.е од ловците и борците во Источна Африка.
Методите за контрацепција можат да се поделат на две категории – хормонални и нехормонални. Оние како апчињата ќе влијаат врз хормоните за спречување на бременост, но иако добро функционираат тие често предизвикуваат полно несакани последици – од дебелеење до зголемен ризик од згрутчување на крвта.
Нехормоналните опции како кондомите и дијафрагмата, пак, ги немаат тие несакани ефекти. Но не секогаш се на располагање, не му одговараат на секого и доколку не се користат правилно и постојано, ризикот од бременост се зголемува.
Моментално за мажите постојат само две опции за контрацепција – кондоми и вазектомија, а во развој се неколку хормонални опции од кои едната е стигната до клиничко тестирање.
Потенцијалната нова опција е дело на тим истражувачи од универзитетот во Минесота, кои откриле дека токсична супстанца најдена во африканската билка уабаин игра улога во регулирање на крвниот притисок, а некои цицачи ја произведуваат активната состојка од неа природно.
Уабаинот функционира добро како отров бидејќи се меша со протеинските подединици во срцето кои ги транспортираат јоните. Нашите срца чукаат поради електричните импулси, а мешањето во функцијата на овие јони може да резултира со срцево пореметување.
Но, како сето ова е поврзано со спермата? Истражувачите исто така откриле дека уабаинот ја спречува работата и на транспортната подединица α4 која се наоѓа во зрелите сперматозоиди.
Предизвикот на тимот во последниве 10 години од нивното истражување било да се пронајде начин да се користи дериват на уабаин кој би ги спречувал транспортните подединици само во зрелите сперматозоиди, но не и во срцето.
Исто така било откриено дека уабаинот влијае само на зрелите сперматозоиди со тоа што им го инхибира движењето, неговите ефекти не би требало да траат вечно, туку штом се прекине со третманот нови сперматозоиди би се создале кои би се развивале нормално.
Тимот истражувачи сега ќе навлезат во следната фаза на истражувањето – докажувањето дека 2000 години стариот отров би бил ефективен во спречување на бременост.