Во нова студија од медицинскиот центар Ирвинг при универзитетот Колумбија (CUIMC), истражувачите откриле дека специјална форма на UV светлина (far-UVC) може да ги убива вирусите на грипот без негативно да влијае на човечките ткива.
Тие сугерираат имплементирање на far-UVC светлина на локации како болниците, аеродромите и школите, за значително да се намали можноста од инфекции.
Не е нова информација дека ултравиолетовата светлина има моќ да убива бактерии и вируси преку тоа што ги прекинува нивните молекуларни врски, бидејќи таа веќе рутински се користи за стерилизирање на хируршката опрема.
За жал, конвенционалната UV светлина штети на луѓето бидејќи може да предизвика рак на кожата или катаракта, па затоа не се користи на јавни површини.
Far-UVC има многу помал спектар на радијација и не може да пенетрира низ надворешниот слој на човечката кожа (составен од мртви клетки) или во очите, па така не претставува опасност за луѓето.
Можеби во иднината, за спасување на илјадници животи би било доволно само вклучување на специјална сијалица.