Пациенти кои биле дел од мала студија биле способни да слетаат ракета во видео игра кога таа била поврзана со регион во нивниот мозок кој е чувствителен на говор и човечки гласови.
Со тек на времето, пациентите научиле да ја користат оваа техника во нивните секојдневни животи за да ја редуцираат моќта на нивните халуцинации.
Истражувачкиот тим од институтот за психијатрија, психологија и неврологија при Кралскиот колеџ во Лондон и универзитетот од Рохемптон вели дека техниката може да се користи да им помогне на пациентите со шизофренија кои не реагираат на лекарствата.
Луѓето со оваа состојба имаат многу поактивен аудитивен кортекс, што значи дека се почувствителни на звуци и гласови.
Сите 12 пациенти од студијата секојдневно искусувале злобни и заканувачки вербални халуцинации – вообичаен симптом на шизофренија.
За да се обидат да ги контролираат овие симптоми, од нив се побарало да играат видео игра додека биле во скенер со магнетна резонанца, користејќи сопствени ментални стратегии за да ја мрдаат компјутерската ракета – што како резултат ги „стишило“ внатрешните гласови кои ги слушале.
Сите пациенти откриле дека нивните внатрешни гласови станале помалку екстерни а повеќе интерни, правејќи ги помалку стресни и полесни за справување.
Научниците сега планираат да направат слична контролирана студија да ја тестираат оваа техника врз поголем број на луѓе.