Статистички, бебето Елиана имало мали шанси да преживее, бидејќи за време на ултразвук докторите забележале дека фетусот има крвно пореметување наречено алфа таласемиа мајор – состојба со која обично бенињата се мртвородени или умираат кратко по породувањето.
Но сега, Елиана е дома со нејзините родители во Хаваи, и е првиот пациент врз кој е извршена првата клиничка процедура во светот каде докторите трансплатирале матични клетки во фетус. Четири месеци по процедурата, мајката Обар на свет донела здраво женско бебе.
Алфа таласемија мајор е генетско пореметување кое ја спречува крвта да создаде доволно од протеинот хемоглобин, без кој црвените крвни клетки неможат ефективно да носат кислород до клетките во телото. Фетусите со оваа болест можат да искусат животно загрозувачко отекување, анемија, зголемени органи, и мноштво други здравствени проблеми.
Традиционално, на фетусите им биле давани крвни трансфузии почнувајќи од вториот семестар на бременоста, а доколку бебето преживее тие мора да продолжат до крајот на неговиот живот. Алтернативно, во текот на неговото детство може да му биде трансплантирана коскена срж, која е единственото нешто кое може да ја излечи болеста, но процедурата е ризична и е тешко да се најде донор кој ќе се совпадне со пациентот.
Во случајот на Елиана, докторите од UCSF Benioff детската болница во Сан Франциско прво започнале со трансфузии, но кои во себе содржеле крвни матични клетки од коскената срж на мајката.
Таа била родена во 37-мата недела од бременоста – само 3 недели порано – и била со незначително помала тежина (2.2kg.). Сега засега таа е здрава, но сè уште е рано да се процени дали третманот ја излечил од болеста.