Глината не е добра само за грнчарството и за кожата на лицето, туку одредени видови глина можат да му помогнат на телото самото да се лекува.
Според студија на истражувачи од клиниката Мајо и државниот универзитет во Аризона, глината Oregon blue може да убива бактерии во раните – дури и оние кои се резистентни на други форми на третмани.
Во лабораториски тестови, било откриено дека оваа глина убивала неколку видови бактерии кои предизвикувале инфекција на раните, вклучувајќи ја и Escherichia coli и MRSA, форма на стафилокока која е тешка за третирање.
Глината исто така ги елиминирала бактериите од биофилмовите – слоеви кои се формираат кога бактеријата ќе се закачи на некоја површина – нешто што лекарите го забележуваат кај две третини од инфекциите.
Истражувачите планираат да направат дополнителни тестови за да откријат како точно токму овој вид на глина ги убива бактериите, по што истата состојка лабораториски би ја рекреирале и би ја додале во нашиот арсенал за борба против антибиотската резистентност.