Експериментална хемиска состојка која ја развиваат научници од САД и која досега е тестирана врз животни би можела да биде нов лек кој е многу помоќен од морфиумот (во поглед на ослободување од силни болки), но нема опасни несакани ефекти и што е најважно, не создава зависност.
Наречен AT-121, тој бил резултат на обидите да се пронајде молекул кој ќе делува врз два клучни рецептори во мозокот: mu opioid рецепторот кој го таргетираат конвенционалните опиоиди и лекови против болка, и рецепторот nocicептин кој регулира мноштво мозочни активности, вклучувајќи го и чувството на зависност.
АТ-121 е развиен така да ги комбинира овие две активности (сврзување со рецепторите и ослободување од болка, без чувството на зависност), што е подобра фармацевстка стратегија отколку создавање на два различни лека кои би се користеле во комбинација.
Раните резултати се позитивни, бидејќи во тестовите успешно била намалена болката кај мајмуните и тоа со доза која делува 100 пати побавно од морфинот.
Кога АТ-121, пак, бил даден на мајмуни кои имале развиено зависност од опиоидот оксикодон, тој го редуцирал степенот на зависноста, што значи дека лекот би можел да им помогне на пациентите да се „исчистат“ од други лекови истовремено додека ја третираат болката – секако, под претпоставка дека хемикалијата исто ќе делува и врз луѓето.
АТ-121 има и уште еден бенефит, а тоа е дека не предизвикал потешкотии со дишењето или кардиоваскуларни проблеми дури и при големи дози, што значи дека тоа е ефективен аналгетик кој не создава зависност и со кој е невозможно предозирање.