Десет години Рој Палмер не чувствувал ништо во долните екстремитети, а два дена по трансплантација на матични клетки, можел да почувствува грч во едната нога.
Техничкиот термин за процедурата е хематопоетична трансплантација на матични клетки (HSCT) која може да е ризична, но им нуди нова шанса за подобар живот на луѓето како Рој, кој се нашол во инвалидска количка откако мултиплекс склерозата предизвикала неговиот имунолошки систем да ги нападне заштитните обвивки на нервите.
Како што кај компјутерите еден од начините да се реши некој проблем е исклучување, па повторно вклучување на системот, така и HSCT процедурата на сличен начин влијае на телото, бидејќи на некој начин го „рестартира“ имунолошкиот систем на пациентот.
Прво, од него се земаат матични клетки и пациентот добива хемотерапија, која го убива остатокот од имунолошкиот систем. Потоа, со помош ан екстрахираните матични клетки, имунолошкиот систем повторно се вклучува.
Два дена по третманот Рој веќе почнал да добива чувство во нозете, а подоцна бил способен да се движи, па дури и да игра. Тој сега смета дека добил втора шанса во животот.
Сепак, HSCT не е чудотворен лек за мултиплекс склерозата. Иако функционирал кај овој пациент, тоа не секогаш е случај, а третманот некогаш може да предизвика инфекции и неплодност. Инаку, терапијата е сè уште експериментална и не е одобрена од FDA за да се користи во САД.