Третирањето рани на дел од телото деликатен како окото не е лесно, но научниците развиле иновативен нов пристап: терапевтски контактни леќи кои може да функционираат како еден вид на фластер за оштетените очи.
Ова е сè освен обична контактна леќа, бидејќи е направена од клетки од донори кои останале неискористени од регуларни трансплантации на корнеа (рожница). Овие специјални L-MSC клетки му помагаат на повреденото око самото да си ги излечи раните.
Според истражувачите кои дошле на оваа идеја, ваквиот фластер-леќа би можел да се направи за само неколку часа откако пацитентот ќе пристигне во болница со повреда на окото, а би бил поефтин и полесен за употреба од сегашните третмани, особено за пациенти со хронични состојби како корнеарни чирови.
L-MSC би се земале од банки на донори по потреба и би се аплицирале на склерална леќа – вид на поголема контактна леќа која содржи тенок резервоар со течност помеѓу рожницата и самата леќа.
Секако, овие „очни фластери“ ќе треба да поминат низ детални клинички тестови пред да бидат одобрени за користење, што значи на пазарот би се појавиле за неколку години доколку сите тестирања поминат успешно.