Нов третман за „подмладување“ на мозоци

Научници од универзитетот Стенфорд дизајнирале антитела кои блокираат специфичен ген поврзан со стареењето на мозокот, на кој начин на остарени глувци им дале когнитивна моќ каква што ја имаат помладите - со други зборови, глувците станале поумни.

Блокирањето на генот CD22 ја повратил когнитивната функција на ниво на онаа од помладите глувци, па така CD22 сега е нова цел за која научниците сметаат дека може да биде експлоатирана за да се создадат третмани за невродегенеративните болести.

Овој ген го има и кај глувците и кај луѓето, и ја попречува способноста на одредени клетки да промовираат нормална мозочна активност.

Научниците дизајнирале антитела кои го блокираат CD22 и ги инјектирале во мозоците на глувците, кои биле тестирани по еден месец и покажале одлични резултати (во споредба со оние кои не биле инјектирани) во неколкуте тестови за интелигенција.

Ова истражување е сè уште далеку од тоа да биде направено и врз луѓе, но неговите импликации се дека би можело да е возможно да се повратат некои од когнитивните ефекти на стареењето кои што се асоцирани со Алцхајмеровата или Паркинсоновата болест.