Истражувачи од Универзитетот Кембриџ откриле генетски варијанти, т.е мутации, кои луѓето ги заштитуваат од прекумерна тежина и компликации предизвикани од неа.
Тимот истражувачи кај милион доброволци кои партиципирале во Biobank студијата го анализирал генот MC4R (меланокортин 4 рецептор) за кој веќе било познато дека ја регулира телесната тежина и од кој постојат 61 мутации од кои некои помагаат за да се спречи прекумерната тежина, а други нуделе заштита од компликациите како тип 2 дијабетес и срцеви заболувања.
MC4R функционира така што го вклучува или исклучува „прекинувачот“ во мозокот кој што ни кажува кога да престанеме да јадеме. Варијантите на MC4R кои биле поврзани со поголем ризик од прекумерна тежина ја запирале функцијата на генот, додека пак други нуделе заштита од дебелеење така што генот постојано го чувале „вклучен“.
Оваа студија го отвара патот кон креирање на нови лекови против дебелеење и потврдува дека генетиката игра огромна улога во тоа зошто некои луѓе се склони кон дебелеење.