Ракот на панкреасот убива повеќе од 45 000 луѓе во САД секоја година, претежно поради тоа што докторите ги детектираат цистите предоцна за хируршки да се отстранат за да се запре ширењето на канцерот.
Цистите во панкреасот понекогаш се развиваат во инвазивен рак, но не секогаш, а операциите истите да се отстранат се комплексни, па така постои огромна потреба од алатки за идентификување кои цисти ќе се развијат во канцер.
Два до 4% од пациентите на возраст од 50 до 70 години најверојатно имаат панкреасни цисти, а тој процент се зголемува до 8-9% кај оние на возраст од 80. Поголемиот број од тие пациенти немаат никакви симптоми, па кога докторот ќе ги детектира цистите треба да одлучи дали да ја изведе операцијата, знаејќи дека типичните 70-годишни пациенти можеби имаат и други неповрзани, но сериозни медицински проблеми како болести на срцето, белите дробови или бубрезите. Сите тие компликации ги прават овие пациенти ризични кандидати за сериозна операција на абдоменот.
Иако операцијата е ефективен метод за отстранување на предканцерогени цисти, 1-2% од пациентите кои се подлегнати на операција не ја преживуваат, бидејќи процентот на компликации од операцијата варира од 30-60% - што е огромен ризик од операција за отстранување на цисти кои можеби се и безопасни.
За потребите на новата студија, истражувачите во период од повеќе од 2 години собрале течност од цисти од 169 пациенти кои имале операција тие да им се отстранат и во неа го детектирале биомаркерот на Das-1 антителото. Во претходно истражување, овој биомаркер го имало кај панкреатските цисти со висок ризик да станат канцерогени.
Сега, истражувачите откриле дека овој биомаркер е попрецизен од било кој друг метод во предвидување на ризикот од канцер кај пациентите со панкреасни цисти.
Следниот чекор ќе биде да се провери дали биомаркерот може да идентификува цисти кои ќе станат канцерогени пред на пациентот да му биде извршена операција за нивно отстранување.
Тоа би можело да се изведе додека пациентите се под анестезија, со внесување на флексибилна цевка низ устата со ултразвучна сонда која би овозможувала да се гледа во панкреасот, за потоа со игла во цистата да се извлече течност која би била тестирана за Das-1 за да се процени ризикот од развивање на канцер.