Тим научници од универзитетот на Арканзас успешно тестирале ласер кој може да следи канцерогени клетки и да ги убива и тоа од надворешната страна на кожата.
Според авторот на студијата, комплетно неинвазивна, оваа технологија има потенцијал значително да го инхибира прогресот на метастазите. Идејата е канцерогените клетки да се убијат пред да се способни да метастазираат низ телото, што е примарната причина за смртните случаи поврзани со канцерите.
Со „пукање“ на ласерски зраци врз туморните клетки, тие апсорбираат значително повеќе топлинска енергија отколку обичните клетки, а топлината предизвикува истите да се рашират и колабираат.
Кај еден пациент, биле уништени 96% од туморните клетки и тоа уште пред ласерот да биде пуштен на највисоката моќност.
Ова не е прв уред од ваков вид, но е прв кој е демонстриран врз луѓе. За разлика од сличните уреди, овој има една огромна предност – може да скенира литар крв за еден час, што е многу побрзо од нив.