Кога некој ослепува, а не е роден слеп, визуелниот кортекс на нивниот мозок обично не е оштетен, но е скоро бескорисен бидејќи не добива никакви информации од очите.
Во ново медицинско тестирање, на 6 слепи луѓе делумно им е повратен видот благодарение на Орион, нов уред кој сликите од камера ги испраќа директно во мозокот.
Орион се состои од 2 главни дела: мозочен имплант и пар очила. Имплантот има 60 електроди кои примаат информации од камерата закачена на очилата, а заедно тие испраќаат визуелни информации директно во мозокот на оној кој што ги носи, воопшто не вклучувајќи ги очите во тој процес.
Истражувачите од комплетно слепите партиципанти во студијата побарале да гледаат во црн компјутерски екран додека го носеле Орион, а кога бел квадрат би се појавил на екранот, тие требало да покажат на него.
Теоретски, кога во мозокот би биле вградени стотици или илјадници електроди, би можел да се креира многу побогата слика.
Сепак, и во сегашната состојба (сликата има квалитет сличен на зрнестите видеа од камери за надгледување од 1980-тите), Орион веќе менува животи. Еден од партиципантите (35 годишен кој е слеп од 9-тата година), сега има можност да ја види формата на лицето на неговата жена и на децата кои му трчаат во прегратка.