Благодарение на нова техника за „суперладење“, истражувачи од медицинската школа на Харвард откриле начин за 3 пати да го продолжат времето кое црн дроб изваден за донирање може да го помине надвор од телото, пред да биде извршена трансплантацијата.
Ова било постигнато со ладење на донаторските црни дробови на температури под нулата без истите да се замрзнат, ефективно овозможувајќи им да „преживеат“ 27 часа надвор од телото, во споредба со сегашните методи на ладење помеѓу 4 и 8°C со кои органите се оштетуваат по околу 9 часа.
Авторите на оваа студија се надеваат дека со новата техника ќе се подобри ефикасноста на донираните органи, и што е најважно, ќе се зголеми бројот на процедурите, кратејќи го бројот на луѓе кои чекаат на листата за трансплантирање.
Новата техника ги „суперлади“ црните дробови на температури од -6°C без да го оштети ткивото, а пред тоа се користи друга техника наречена машинска перфузија за подеднакво дистрибуирање на течноста за конзервирање која го штити црниот дроб и го спречува неговото замрзнување.
Пред да ја тестираат техниката на човечки црн дроб, таа била успешно употребена прво врз црни дробови од стаорци.
Многу пати кога некој орган станува на располагање за трансплантација, можеби во близина нема примател на кој што би му одговарал – така што „прозорецот“ од 27 часа за кое време може да се пронајде примател и да се испорача органот ќе допринесе за што повеќе реципиенти да добијат органи и што помалку органи да се уништуваат поради тоа што им „поминал рокот“ за трансплантација.