Ако мислите дека знаете сè за орална хигиена и дека правите сè за да вашите заби и непца останата здрави, тогаш ќе се изненадите кога ќе откриете како секојдневните навики им штетат на забите. Ви носиме 5 навики кои би требало веднаш да ги примените.
Премногу грубо четкање на забите
Иако звучи како добра работа, но претврдите четки придонесуваат за премногу грубо четкање кое може трајно да ја оштетат заштитната забна глеѓ. Тие исто така предизвикуваат пречуствителност и склони се кон кариес. Поради тоа користете мека четкичка и со лесни кружни движења четкајте ги забите и непцата две минути барем два пати дневно.
Погрешна паста за заби
Исто како и четкичката за заби и пастата може да биде преагресивна. Многу пасти за заби содржат микро-гранули и зрна кои помагаат во отстранување на дамките, но тие значително може да ги оштетат забите и непцата. Поради тоа најдете паста која вам ќе ви одговара на вкусот, но и на текстурата, а препорака е онаа за чувствителни заби.
Некористење на конец за заби
Ако сте помислиле дека со четкичката за заби можете детално да ја исчистите усната шуплина се лажете. Подрачјето помеѓу забите никако не можете да го исчистите со четкичка, па поради тоа ви е потребен конец. Чистењето на забите со конец го спречува воспалението и насобирањето на каменец.
Газирани пијалаци
Газирани пијалаци, особено кока колата (обичната и диеталната) содржат киселини кои со време ги нагризуваат забите и ја уништуваат забната глеѓ. Газирани пијалоци не се добри за вашиот организам, па поради тоа сведете ги на минимум, а доколку не можете тогаш пијте ги со сламка и потоа мијте ги веднаш забите.
Храна која што остава дамки
Кафето, чајот, кока колата, разните сосови и црното вино се само некои од намирниците кои оставаат лоши дамки на вашите заби, па поради тоа препорачливо е по ручекот, но и по нивното консумирање да ги измиете забите.