Едно ново истражување разви едноставен тест на крвта кој може да се користи како универзален тест за дијагностицирање рак. Тестот го развиле истражувачите од универзитетот во Бредфорд, кој им овозможи на докторите да го дијагностицираат ракот преку неколку симптоми, а пациентите да заштедат време и пари.
Исто така, овој тест многу ќе помогне кај пациентите кај што е тешко да се дијагностицира ракот. Предводникот на ова истражување, Диана Андерсон, кажа дека тие откриле дека луѓето со канцер имаат ДНК, која многу полесно се оштетува со ултравиолетово светло, отколку другите луѓе, па преку тестот ќе се идентификува чувствителноста на целата ДНК.
Сепак, Андерсон додаде дека првичните резултати, на три различни вида на рак, биле одлични, но потребни се понатамошни истражувања.