Дерек Фидјак бил парализиран од половината па надолу, но сега повторно може да оди откако лекарите ја извршиле револуционерната операција, финансирана од две британски фирми. При операцијата полските хирурзи искористиле нервните клетки од носот, со цел да ги обноват клетките прекинати на ’рбетот на Дерек.
Тој се парализирал при несреќа пред четири години. Денес се движи со помошни помагала, самостојно оди и исполнува обврски, па дури може повторно да вози автомобил. Чувството на неговите нозе е веќе вратено.
Полскиот тим на лекари бил предводен од еден од најдобрите експерти за ’рбет, д-р Павел Табаков, од факултетот за медицина во Вроцлав, а операцијата вклучила и трансплантација на т.н. ОЕС клетки од носот во ’рбетот. Преку овие клетки докторите успеале да го стимулираат растот на отсечените нерви, што претходно било невозможно.
Оваа техника ја открил професор Гофри Реизман од Институтот за неврологија на лондонски универзитет.
- Научните познавања кои го опфаќаат овој значаен напредок ќе бидат достапни и за другите истражувачи низ светот, со цел заедно да пронајдеме лек за оваа состојба, истакнал Дејвид Николс.
- Ако можеме да ја увериме глобалната заедница за неврологија дека оваа техника функционира, тогаш брзо ќе се развие, смета професор Реизман.