Ограничете го внесувањето на кодеин кај вашите деца

Комисијата за оценка на ризикот за фармаковигиланца при Европската агенција за лекови препорача ограничување на употреба на лекови кои содржат кодеин за лечење на настинка или кашлица кај децата. Имено, внесувањето на кодеин може да го зголеми ризикот од сериозни несакани ефекти, вклучувајќи и проблеми со дишење.

Примената на кодеин може да биде контраиндицирана кај децата под 12 години, што значи дека лекот не смее да се применува кај пациентите кои спаѓаат во оваа група. Примената на кодеин не се препорачува кај деца и тинејџери меѓу 12 и 19 години кои имаат проблеми при дишењето.

- Сите течни облици на лекови, кои содржат кодеин, треба да бидат достапни во садови, подалеку од деца со цел да се избегне случајно голтање на лекот. Ефектот на кодеинот се должи на неговата конверзија на морфиум, кој се случува во организмот. Кај некои луѓе кодеинот во организмот се претвора во морфиум многу побрзо од нормалната форма морфиум, што доведува до сериозни несакани ефекти, стои во соопштението.

Иако несаканите ефекти на морфиум може да се јават во сите старосни групи, начинот на кој кодеинот се претвора во морфиум кај децата под 12 години е променлив и непредвидлив, поради што оваа популација е под посебен ризик од несакани дејства.