Соларни ќелии потенки од човечко влакно

Инженери од Јужна Кореа развиле исклучително тенки и флексибилни соларни ќелии кои можат да се обвиткаат околу објект со големина на пенкало.

Фотоволтачни уреди како овие би можеле да се користат за напојување на електроника која што се носи, како што се фитнес тракерите, разни „паметни„ текстилни материјали со вградени сензори во нив, паметни очила (од типот на Google Glass) и сл.

Новата фотоволтаичната ќелија е дебела само 1 микрометар, што е милионити дел од метар – тоа е потенко и од просечно човечко влакно.

Инженерите од Гуанџу институтот за наука и технологија во Јужна Кореја го користеле полупроводникот галиум арсенид и директно ги поставиле ќелиите во флексибилен субстрат без додавање на било какво лепило. Потоа тие биле „ладно заварени“ на електродата, а фоторезисторот бил тргнат за да се постигне директен контакт на метал со метал. Металната долна страна исто така има функција да ги одбива заскитаните фотони назад кон соларните ќелии.

Тестовите покажале дека овие ќелии биле ефикасни исто како и далеку подебелите и дека можеле да се обвиткаат околу објекти со радиус и до 1.4 милиметри, а притоа биле и помалку кршливи.