Во август 79-тата, ерупцијата на вулканот Везув предизвикала бројни смртни случаи, од кои сега е заклучено дека повеќето се случиле поради испарување на крвта и сите телесни течности.
Археолозите од универзитетската болница Федерико II во Италија направиле студија врз коските од 12 комори од Херкуланеум, еден од градовите најблиску до вулканот, и откриле чудни остатоци од црвен и црн минерал во нив, како и во внатрешноста на черепите и во пепелот околу и внатре во скелетите.
Според спекторметрија на плазмичната маса и микроспектроскопски анализи, се утврдило дека остатоците содржат железо и железни оксиди – што би се случило единствено доколку крвта зоврела и се претворила во пареа.
Во Херкуланеум имало 12 комори покрај плажата кои биле прибежиште за околу 300 луѓе, кои потоа станале и нивна гробница каде биле погодени од пирокластичниот бран.
Овој бран бил со температура помеѓу 200 и 500 °C и патувал со брзини помеѓу 100 и 300км/ч., што значи дека луѓето во коморите умреле во истиот момент.
Анализата, на нивните черепи, покажала пукнатини и експлозии како и нивно поцрнување, што било протолкувано како ефект кој е комбиниран резултат од директно изложување на огромната топлина и зголемување на интракранијалниот притисок на пареата што предизвикала експлозија на мозочното ткиво внатре во черепот.
Со други зборови, мозоците на жртвите се „свариле“ и експлодирале во черепот. Денес, Везув е сè уште активен со скоро 4 милиони луѓе кои живеат во неговата близина, а најскората ерупција била во 1944.