Океаните кријат разни тајни во своите длабочини – како што се 195 728-те вируси кои научниците штотуку ги откриле за време на експедиција за испитување на морскиот живот и за кои што велат дека најголем дел од нив досега не биле видени никаде.
Пред оваа експедиција, биле познати само околу 15 000 океански вируси.
Истражувањето е базирано на примероци собрани помеѓу 2009-та и 2013-та од екипажот на бродот Тара, кој повеќе од една декада ги истражува океаните и ни дава информации со кои можеме да процениме како нашиот свет еволуира.
И покрај огромниот број откриени вируси и комплексноста на океаните, тимот истражувачи успеал да ги подели вирусите на 5 еколошки зони.
Научниците проценуваат дека во океаните има десетици милиони вируси од кои дел можат да постојат и надвор од водата, дури и во внатрешноста на нашите тела.
За потребите на оваа студија, покрај откривањето на нови вируси во примероците вода од длабочини до 4 километри, истражувачите исто така идентификувале нови нишки на микроби и други живи суштества кои живеат во океаните.
Со помош на ова ново истражување, научниците ќе можат попрецизно да го пресметаат балансот на кислородот и јаглерод диоксидот во атмосферата, бидејќи морските организми помагаат при рециклирањето на кислородот, а океаните впиваат и складираат CO2.
Повеќе живот под површината на водата значи повеќе СО2 конвертиран во органски јаглерод и биомаса, складирана во длабочините.