Сликата на верверичка што гнои под кожата или зајак со „рогови“ може да изгледа како сцена од хорор филм, но вистинската приказна е помалку страшна и со научно објаснување.
Од 2023 година, во американските и канадските дворови се појавија верверички со големи, гноевидни и болни тумори кои за кратко добија и популарно име кое гласи зомби верверички. Оваа состојба е предизвикана од вирусот leporipoxvirus, кој предизвикува squirrel fibromatosis, кожна болест што може да создаде страшен визуелен ефект, но обично не е сериозна и поминува сама
Причината за ширењето се местата каде што се хранат животните. Верверичките споделуваат храна и вирусот може да се пренесе преку слуз или директен допир со инфицирани површини. Биолозите од Мејн, предупредуваат луѓето да не им се приближуваат и да не ги фаќаат верверичките.
Во Колорадо, обична прошетка во природа може да открие зајак со израсток што потсетува на рогови. Овие „зомби зајаци“ се инфицирани со Shope papillomavirus, кој предизвикува брадавичести израстоци на лицето, понекогаш е толку екстремен што потсетува на рог или структура на пипало.
Вирусот е откриен од Д-р Шоп во 1930-тите и од тогаш е сериозен модел во истражувањето на вирусно предизвикани карциноми и HPV кај луѓето.
Иако изгледа чудно, вирусот не е штетен за луѓето или миленичињата. Заразените диви зајаци обично се опоравуваат сами.