Некогаш сметани за мит помеѓу пастирите, видени само навечер, се испоставило дека ghjattu-volpe, т.н „лисици-мачки“ навистина постојат на Корзика.
Скорешни генетски анализи на оваа дива мачка покажале дека се работи за претходно непризнаен вид на диви мачки, за што Национална канцеларија за лов и диви животни на Франција се надева дека наскоро ќе се случи, за да оваа врста се заштити.
Моментално постојат две признаени врсти на диви мачки во светот - европската (Felis silvestris silvestris) и африканската (F. silvestris lybica). Со анализирање на ДНК на ghjattu-volpe, било заклучено дека таа се двои од европската и е многу поблиску до африканската, но точниот идентитет треба дополнително да се утврди.
Ваквите лисици-мачки ги има единствено во мал дел од шумата Аско во Корзика, планинско медитеранско острово лоцирано на југоистокот на Франција и иако изгледаат како домашни миленичиња, имаат уникатни карактеристики кои ги двојат и од домашните и од дивите мачки – како што е опашот со црн врв. Името лисици-мачки го добиле поради формата на телото и бојата на крзното, а се верува дека за прв пат биле донесени на Корзика од луѓето за време на Неолитската ера пред околу 8000 години и служеле за истребување на стаорци.
За прв пат биле забележани во 2008-ма, но биле анализирани од научниците во 2016-ма. За овој вид на животни се знае многу малку во врска со нивната исхрана, како и бројноста.