Нова Гвинеја е дом на голем вид слатководни крокодили познати како Crocodylus novaeguineae, за прв пат опишани во 1928-ма.
Меѓутоа, двата научника Крис Муреј и Кејлеб Мекман инспирани од работата на покојниот научник Филип Хал , кој забележал разлики во парењето на крокодилите од овој вид, решиле тоа да го истражат. Тие анализирале 51 черепи, чувани во различни музеи, за да ги забележат разликите помеѓу крокодилите откриени во северните и оние од јужните делови на островот, групи биле раздвоени од бројни планински венци и речни долини познати под името New Guinea Highlands (Нови Гвинејски висорамнини)
Научниците откриле физички разлики помеѓу черепите, а потоа ги забележале истите разлики и кај живите крокодили, кај кои можеле и да проценат од која река потекнувале според формата на черепот.
На пример, северните крокодили имале подолги вилици и носни коски во споредба со оние од јужните делови, а и се однесувале различно. Женките од северните делови снесувале јајца во дождовните сезони и тоа во помал број отколку оние во јужните, кои тоа го правеле во сушните периоди.
Според нивните анализи на живите животни, тимот научници заклучил дека двете групи доволно се разликуваат за официјално да се класифицираат како различни видови. Северната група била именувана Crocodylus halli, според Филип Хал, чии идеи довеле до оваа студија.