Шведската компанија Re:newcell планира да ја „размрда“ модната индустрија и да спасува природни ресурси преку креирање на облека од циркулоза – нов материјал направен од рециклирана памучна облека.
Цирклулозата била развиена како одговор на проблемот со отпадот генериран од модната индустрија,чии несакани или истрошени облеки завршуваат во депонии или се палат.
Според компанијата, помалку од 1% од облеките моментално се рециклираат, а циркулозата би требало да ја намали потребата на модната индустрија од памук, продукција на масло и сечење на дрвја.
Re:newcell планираат да ја претстават својата модна линија следната година, преку колаборација со одредени трговци.
Нивниот процес започнува преку донирање на облека од нивните купувачи, која содржи многу памук и вискоза, чии природни влакна потоа се „топат“ со хемикалии.
Тоа резулитра со мешавина која се суши и од која се продуцира нов, биоразградлив материјал наречен циркулозна пулпа, која се пакува и од која започнува продукцискиот циклус на текстилот.
Моментално, нивната фабрика продуцира околу 7000 тони циркулоза годишно – материјал кој е сертифициран, органски, биоразградлив, може да се рециклира и има слични карактеристики на конвенционалните памучни влакна.