Genecis Bioindustries се биотехнолошка компанија која органскиот отпад го претвора во PHA (ПХА) биоразградлива пластика.
Компанијата користи програмирани бактерии кои се способни таквиот отпад да го јадат, сварат, и претворат во биоразградливи пластични гранули кои можат да се користат за правење на разградливи прибори за јадење и контејнери.
Со обработување на органскиот отпад, Genecis Bioindustries креирале прва финансиски исплатлива конкурентна PHA пластика за комерцијална употреба. Предностите на ваквата пластика е што таа комплетно се распаѓа во природата за една година, а материјалот од која се прави може да се меша со разна петролејска пластика и да биде рециклирана.
За креирање на PHA, Genecis Bioindustries следат процес од 3 чекори. Прво, органскиот отпад се двои на испарливи масни киселини и бактериски култури, за потоа масните киселини да се додадат на други бактериски култури специјално селектирани да продуцираат PHA во нивните клетки. По сето тоа, со процес на екстракција клетките се отвараат и пластиката се чисти. Целиот процес трае вкупно 7 дена.
Според Genecis Bioindustries, коа производот направен со ваквата пластика ќе престане да биде корисен, ќе може да се разгради за еден месец, а доколку се најде во океанот, тој процес ќе заврши за една година.