Племе од Амазонија го крие клучот за справување со деменцијата

Едно племе од Амазонија, чиј волумен на мозокот на луѓето се намалува за 70 отсто побавно отколку кај Европејците, може да биде клуч за спречување деменција.



Истражувачите велат дека здравата исхрана и активниот начин на живот што го практикува племето Цимане може да ја објасни оваа разлика, пренесува „Стади фајндс“.

Атрофија на мозокот или губењето мозочни клетки е симптом поврзан со Алцхајмеровата болест и деменцијата. Иако скенирање на мозокот покажува дека домородните жители од Цимане во боливиска Амазонија имаат слично ниво на воспаление на мозокот – симптом за кој се смета дека е знак на ментален пад, нивниот мозок останува здрав. Истражувачите кои стојат зад откритието веруваат дека, иако Циманците немаат пристап до современата медицина, нивната исхрана и начин на живот се нивната предност.

Луѓето од Цимане племето се исклучително физички активни и јадат храна богата со растителни влакна, како зеленчук, риба и помали количини месо. Претходни истражувања, исто така, покажаа дека луѓето во племето имаат многу низок ризик од срцеви заболувања во споредба со Европејците.

Д -р Хилард Каплан, професор по здравствена економија и антропологија на Универзитетот „Чепмен“, кој ги проучува Циманците скоро две десетлетија, вели дека „нашиот седентарен начин на живот и храната богата со шеќери и масти“ го забрзуваат губењето на мозочното ткиво со возраста и нѐ прават поранливи на Алцхајмеровата и слични болест.

– Цимане може да послужи како основа за здраво стареење на мозокот. Ова истражување покажува дека Цимане се истакнува не само по здравјето на срцето, туку и по здравјето на мозокот. Наодите нудат многу можности за интервенции за подобрување на здравјето на мозокот, смета тој.

Истражувачите го скенирале мозокот на 746 возрасни Циманци на возраст од 40 до 94 години.

– Племето Цимане ни обезбедува неверојатен природен експеримент за потенцијално штетните влијанија на модерниот начин на живот врз нашето здравје. Овие наоди посочуваат дека мозочната атрофија може значително да се одложи со истите фактори на начин на живот поврзани со многу ниската опасност од срцеви заболувања, објасни д-р Андреј Иримија, истражувач од Универзитетот на Јужна Калифорнија.

Жителите на Цимане го привлекоа вниманието на научниците кога едно претходно истражување покажа дека тие имаат исклучително здрави срца во староста. Овој научен труд, објавен во „Лансет“ во 2017 година, покажува дека овие луѓе имаат воопшто најниска преваленција на коронарна атеросклероза и имаат малку фактори на опасност од кардиоваскуларни заболувања. Многу ниската стапка на срцеви заболувања кај приближно 16.000 Циманци е многу веројатно поврзана со нивниот начин на живот без индустрија за храна, но со лов, риболов и земјоделство.



Прочитајте: затвори
  • РЕПЕРТОАРИ
IDIVIDI Сервиси
IDIVIDI Речник
Powered by MagnumPRO
Download
Временска прогноза

Н/А

Нема
Битола
Н/А
Нема
Охрид
Н/А
Нема
Скопје
Виц на денот
Полицаец на работа на стадион, за време на утакмица се туфка ли туфка, па на крај изнервиран станува и вика:
- Па добро бе мајку му стара, не може ли да ќутите и да...
webmail
IDIVIDI Радио
Македонски
Pop
Classical
Dance
Hip-Hop
Jazz
Rock
Ambient
Tehno&Trance
Состојба на патиштата
Веста се ажурира
Верски календар
На денешен ден
1791.- Роден е Мајкл Фарадеј, англиски физичар и...
1792.- Во екот на војната со контрареволуцијата...
1862.- Американскиот претседател Абрахам Линколн...
1933.- Во Париз почна Светскиот младински...