Американскиот континент и Евроазија ќе се спојат на Северниот пол во следните 50 до 200 милиони години, соопштија научниците од Универзитетот Јеил.
Научниците исто така прогнозираат дека Африка и Австралија исто така ќе се спојат во нов „суперконтинент“ со што ќе се означи следната фаза во поместувањето на копнената маса на Земјата.
Се смета дека последен пат се споиле пред 300 милиони години и го формирале суперконтинентот Пангеја, се наведува во студијата објавена во магазинот Nature.
Копнената маса на Земјата постојано се поместува за време на секојдневните тектонски активности. Во нив се создаваат региони, како што е Средноатлантската клисура, во која е формиран Исланд и подрачјето кај брегот на Јапонија, каде се судираат тектонските плочи.
Геолозите сметаат дека во текот на милијарди години овие тектонски плочи времено ги спојувале континентите, создавајќи го суперконтинентот Нуна пред 1,8 милиони години, Родинија пред милијарда години, а после нив Пангеја пред 300 милиони години.
Следниот суперконтинент веќе го доби работното име Амазија, затоа што се очекува да настане со спојување на Америка и Азија.
Истражувачите ги темелат своите прогнози за тоа кога и каде ќе се формира новиот суперконтинент врз анализите за формирањето на неговите претходници.
- Сите се прилично запознаени со концептот Пангеја, но нема многу уверливи податоци кои можат да ни покажат како се создаваат суперконтинентите. Според нашиот модел, се спојуваат Северна и Јужна Америка, затворајќи го Карипското море, а пото двете Америки се поврзуваат со Азија и го затвораат Арктичкото море, изјави Рос Мичел од Универзитетот Јеил.