Огромниот кратер кој минатата недела се појави во Јамал, северна Русија го привлече вниманието на меѓународната јавност. Истражувајќи ги причините за неговото појавување, руските научници дојдоа до претпоставката дека станува збор за ерупција на гас, а не за метеорит како што претходно се претпоставуваше.
Андреи Плекханов од Научниот истражувачки центар на Артикот, заедно со тим на научници деновиве го посетија местото и открија повеќе детали околу она што навистина се случило.
Според неговото кажување, 80 проценти од кратерот се од мраз и не постојат траги од експлозија што ја исклучува можноста за метеор.
По земените примероци од почвата, водата и воздухот е дојдено до заклучокот дека кратерот е направен како резултат на исфрлање на подземни гасови.
-Глобалното затоплување предизвикува алармантно топење на подземните мразови со што се ослободува гас кој се исфрла како тапа од шише шампањ, објаснува Ана Курчатова од Под-Артичкиот Центар за научни истражувања. Тоа ја објаснува формата на кратерот, како и затемнувањето на внатрешниот раб на кратерот кое е индикатор на силно согорување.