Човечкиот род уништува сè што ќе допре и со тоа придонесува кон 6-тиот циклус на масовна деструкција на Земјата.
Според студијата на биологот од Стенфорд, Родолфо Дирзо, човекот со своето непромислено однесување досега уништил 320 типови на животни, а бројот на повеќе од 1500 видови е намален за 25 проценти. Најтрагичниот податок е тоа што додека претходните 5 масовни уништувања биле предизвикани од трансформацијата на планетата или удар од астероид, последното ќе биде предизвикано само од човечки фактор.
Според Дирзо луѓето не разбираат дека иако овие видови се само мал дел од целокупниот животински свет, намалувањето на нивниот број предизвикува поместување во глобалниот екосистем.
-Со исчезнувањето на зебрите, жирафите и слоновите од Кенија, тие делови станаа пренаселени со глодачи. Дојде до промени во почвата, започна да расте сè повеќе трева со што популацијата на глодачите двојно се зголеми. Со тоа болестите кои ги пренесуваат тие, како и некои паразити, почнаа да стануваат се поприсутни и станаа закана по човечкото здравје, објаснува Дирзо.
Студијата покажува дека во периодот кога човечката раса најмногу се развила, дошло до нарушување на екосистемите од цели 45 проценти.
Модерната цивилизација очигледно негативно делува врз преостанатиот свет, па само е прашање на време кога ќе настапи целосна деструкција на Земјата како што ја познаваме денес.