Следниот пат кога ќе се обидете да убиете бубашваба, а таа постојано успева да ви избега сетете се дека и лебарките имаат уникатно однесување. Научниците од универзитетот од Брисел набљудувале 300 примероци на бубашваби во период од 3 месеци обидувајќи се да дознаат како се однесуваат во група, а како посебно.
-Иако бубашвабите се мошне прости организми истите можат да донесуваат комплексни решенија со малку расположливи информации и минимална интеракција, вели водачот на истражувањето, Исак Планас.
За време на експериментот на грбот од бубашвабите биле поставени мини камери кои го снимале движењето на инсектите во арена која има две кружни засолништа. Тимот ги оставил бубашвабите сами 3 часа и го набљудувал нивното однесување. Наместо сите да се скријат под засолништето, научниците забележале дека бубашвабите имаат специфично однесување.
Секоја бубашваба била тестирана три пати во истата арена и по тромесечно мониторирање било забележано дека однесувањата на бубашвабите не е под влијание само на групата, туку од личните карактеристики и преференци. Па така на крајот бубашвабите самите одлучуваат дали ќе се засолнат или пак ќе останат на светлина, за разлика од мравките и термитите кои ја следат хиерархијата на групата.